Thursday, 07 July 2022 20:17

Gov. Ruel nag abi-abi sa mga namaligya sa kantina sa Kapitolyo

ALABEL, Sarangani (July 7, 2022) - Personal nga gibisita ni Governor Rogelio "Ruel" Pacquiao ang mga kan-anan sulod sa Capitol compound aron abi-abihon ang mga tindera ug tindero niini lakip na ang mga empleyadong suking gakaon sa maong mga kan-anan.

Wala nihawa ang gobernador nga walay gipalit sa matag pwesto sa kantina kung asa iya kining gidala balik sa iyang buhatan aron kaonon kauban sa iyang mga empleyado.

Wala nalikayan sa mga nangaong empleyado ug mamaligyaay nga mulingi sa gobernador nga nagpakita sa iyahang pagkamahiubsanon taliwala sa iyahang posisyon ug estado sa kinabuhi.

Gipakita lamang sa gobernador nga abli ug andam kini sa pagpanerbisyo sa tanang katawhan. (Ivan Polonan - CDU-PGO/Ronda Probinsya Sarangani)

Read 375 times